7 اکتوبر سے اب تک 7000 صہیونی فوجی زخمی اور نفسیاتی طور پر متاثر

آج (بدھ) اسرائیلی فوج نے اعتراف کیا ہے کہ "الاقصیٰ طوفان" آپریشن کے آغاز سے اب تک اس حکومت کے 7000 سے زائد فوجی زخمی اور نفسیاتی طور پر متاثر ہوئے ہیں۔

صیہونی حکومت کی وزارت جنگ نے اعلان کیا ہے کہ 7 اکتوبر سے اب تک 7,209 زخمی فوجیوں کو وزارت کے بحالی کمپلیکس میں بھیج دیا گیا ہے۔

صیہونی حکومت کی وزارت جنگ نے بھی اعتراف کیا کہ ان میں سے تقریباً 30 فیصد افراد مختلف ذہنی اور جذباتی مسائل کا شکار ہیں۔

یہ اعدادوشمار اس وقت منظر عام پر لائے گئے ہیں جب متعدد صہیونی ذرائع ابلاغ نے اب تک اسرائیلی فوج کی ہلاکتوں کے اعداد و شمار کا اعلان کرنے میں سخت سنسر شپ کی طرف اشارہ کیا ہے۔ یہ کارروائی غزہ کی پٹی کے خلاف جنگ میں صیہونی فوجیوں کی ہلاکتوں کی زیادہ تعداد اور مقبوضہ علاقوں میں مزید اندرونی ردعمل کے خدشے کے پیش نظر کی گئی۔

صیہونی میڈیا نے اس سے پہلے انکشاف کیا تھا کہ قابض حکومت کی فوج کی طرف سے زخمیوں کی تعداد اس حکومت کے ہسپتالوں کی فراہم کردہ تعداد سے بہت زیادہ مختلف ہے۔

صیہونی حکومت کے چینل 12 نے پہلے اعلان کیا تھا کہ اس حکومت کی فوج نے ہسپتال کے حکام سے کہا ہے کہ وہ فوج کے ساتھ ہم آہنگی کے بغیر ہلاکتوں کے اعداد و شمار شائع نہ کریں۔