24 گھنٹوں میں 68 فلسطینیوں کی شہادت/ غزہ میں شہداء کی تعداد 33 ہزار 797 ہوگئی

غزہ کی وزارت صحت نے صیہونی حکومت کے جرائم کے شہداء اور زخمیوں کے تازہ ترین اعدادوشمار کا اعلان کیا ہے۔

فلسطینی وزارت صحت نے پیر کے روز دوپہر کے وقت اعلان کیا کہ صیہونی حکومت نے گزشتہ 24 گھنٹوں کے دوران 68 فلسطینی شہریوں کو شہید اور 94 کو زخمی کیا۔

ان شہداء سمیت 7 اکتوبرکو غزہ کی پٹی پر صیہونی فوج کی جارحیت کے آغاز سے اب تک فلسطینی شہداء کی تعداد 33 ہزار 797 اور زخمیوں کی تعداد 76 ہزار 465 تک پہنچ گئی ہے۔

الاقصیٰ طوفان کے آغاز سے ہی صہیونی فوج غزہ میں خواتین اور بچوں کا قتل عام کر رہی ہے اور اب تک اپنے مقررہ اہداف حاصل کرنے میں کامیاب نہیں ہو سکی ہے۔