ہم خطے میں کشیدگی میں اضافے سے پریشان ہیں

اقوام متحدہ کے ترجمان اسٹیفن دوجاریک نے دمشق میں ایرانی سفارت خانے پر صیہونی حملے اور تہران کی جانب سے تل ابیب کو متوقع جواب کی وجہ سے مشرق وسطی میں کشیدگی میں اضافے کے امکان کے بارے میں کہا کہ ہم خطے میں کشیدگی میں اضافے سے پریشان ہیں۔

ایک نامہ نگار نے اقوام متحدہ کے ترجمان اسٹیفن دوجاریک سے پوچھا کہ کیا اس بات کا خدشہ ہے کہ ایران دنیا بھر میں اسرائیلی سفارت خانوں کو نشانہ بنائے گا؟ کیا اقوام متحدہ کے سیکریٹری جنرل انٹونیو گوٹریش نے ایرانیوں سے بات کی ہے؟ کیا گوٹیرش کو خدشہ ہے کہ مشرق وسطیٰ میں تنازعہ پھوٹ پڑے گا؟

اس کے جواب میں اقوام متحدہ کے ترجمان نے کہا کہ جیسا کہ میں پہلے بھی  کئی بار بتا چکا ہوں، سیکریٹری جنرل نے گزشتہ ہفتے ایرانی وزیر خارجہ کے ساتھ بات چیت کی تھی۔ ہم خطے میں کشیدگی میں اضافے کے خطرے سے پریشان اور فکر مند ہیں۔