ایران کے صدر سید ابراہیم رئیسی نے آج پہلے اعلی سطحی اجلاس کی صدارت کی

ایران کے صدر سید ابراہیم رئیسی نے منصب صدارت سنبھالنے کے بعد آج پہلے اعلی سطحی اجلاس کی صدارت کی ہے۔

قومی انسداد کورونا کمیٹی کے ماہرین کا اجلاس بدھ کو صدر ابراہیم رئیسی کی صدارت میں منعقد ہوا جس میں کورونا کی تازہ ترین صورتحال کا جائزہ لیا گیا۔اجلاس میں کورونا کی پانچویں لہر پر قابو پانے کے لیے ضروری اقدامات پر غور کیا گیا۔

صدر ابراہیم رئیسی نے متعلقہ عہدیداروں کو ہدایت کی کہ وہ محرم الحرام کی آمد اور تعلیمی سال کے آغاز کے پیش نظر لازمی پرٹوکول تیار کریں۔ اجلاس میں متعلقہ اداروں کی جانب سے قومی ویکسینشن مہم کے حوالے سے ایک جامع رپورٹ بھی صدر ابراہیم رئیسی کو پیش کی گئی۔