ایران علاقے میں امریکہ کی ہر قسم کی موجودگی کی مذمت کرتا ہے

اسلامی جمہوریہ ایران کی پارلیمنٹ مجلس شورای اسلامی کی خارجہ روابط کی کمیٹی کے چیرمین نے کہا ہے کہ امریکی حکام دنیا کے اقوام سے چوری اور راہزنی کے ذریعے اپنی شکست کا ازالہ کرنا چاہتے ہیں۔

اسلامی جمہوریہ ایران کی پارلیمنٹ مجلس شورای اسلامی کی خارجہ روابط کی کمیٹی کے چیرمین عباس گلرو نے ایران پریس سے گفتگو کرتے ہوئے کہا کہ اقوام متحدہ کا منشور تمام ملکوں کی ارضی سالمیت کے تحفظ پر تاکید کرتا ہے اور ایران علاقے میں امریکہ کی ہر قسم کی موجودگی کی مذمت کرتا ہے۔

انہوں نے کہا کہ شام کی حکومت اور عوام، امریکہ کی موجودگی کو غیر قانونی قرار دیتے ہیں جبکہ ایران نے ہمیشہ ہی شام کی ارضی سالمیت پر تاکید کی ہے۔

عباس گلرو کا کہنا تھا کہ امریکہ کئی عشروں سے علاقے میں موجود ہے اور اس کی موجودگی نہ فقط علاقائی ممالک اور اقوام کے فائدہ میں نہیں ہے بلکہ امریکہ نے جو رقم خرچ کیا اب دنیا کے اقوام سے چوری اور راہزنی کے ذریعے اسے حاصل کرنا چاہتا ہے۔ انہوں نے کہا کہ علاقائی عوام کی استقامت کی وجہ سے دنیا کا کوئی بھی خطہ امریکیوں کیلئے پر امن نہیں رہے گا۔