اسلامی انقلاب نے طاقت کے توازن کو تبدیل کردیا

لبنانی سیاسی تجزیہ کار انیس نقاش کا خیال ہے کہ ایران میں اسلامی انقلاب نے علاقائی اور بین الاقوامی سطح پر طاقت کے توازن کو تبدیل کردیا۔

لبنان کے سیاسی تجزیہ کار انیس نقاش کا کہنا ہے کہ اسلامی انقلاب کی فتح سے قبل اور شاہی حکومت کے خلاف سلسلہ وار عوامی مظاہروں کے دوران مظاہرین نے شاہ کے خلاف محض نعرے بازی نہیں کی اور اس وقت کی معاشی و معاشرتی صورتحال کے خلاف بھی نعرے نہیں لگائے بلکہ زیادہ تر نعرے در حقیقت امریکہ اور مغربی ممالک پر شاہی حکومت کےانحصار کے خلاف تھے، اس وقت کی سب سے خطرناک پالیسی صیہونی حکومت کے لئے شاہی حکومت کی حمایت تھی، ایک ایسی حکومت جس کو ایرانی عوام نے مقبوضہ فلسطین کی سرزمین کے ساتھ ساتھ اسلامی پناہ گاہوں کا بھی غاصب سمجھا۔

شہد بہشتی سمیت ایران کے اسلامی انقلاب کی نامور شخصیات سبھی نے شاہی حکومت کے ذریعہ صیہونیوں کی حمایت کا حوالہ دیا ہے،در حقیقت ، تل ابیب کی حمایت کرنا شاہی حکومت کے ایک اہم ستون میں شامل تھا۔

لبنانی سیاسی تجزیہ کار نے بھی اس بات پر زور دیاکہ اسلامی انقلاب کی فتح کے بعد ہم نے دیکھا کہ ایران کے صیہونی حکومت اور امریکہ کے ساتھ تعلقات مکمل طور پر منقطع ہوگئے ، اس سے ظاہر ہوا کہ علاقائی اور بین الاقوامی سطح پر طاقت کے توازن میں ایک اسٹریٹجک تبدیلی ہوئی ہے۔

انیس نقاش نے یہ بھی بتایاکہ اس اسٹریٹجک تبدیلی کی سب سے بڑی وجہ یہ تھی کہ شاہی حکومت کا امریکہ اور صیہونی حکومت کی پالیسیوں میں ایک خاص مقام تھا لیکن اسلامی انقلاب کی فتح کے بعد ایران فلسطینیوں کا سب سے بڑا حامی بن گیا ،طاقت کے توازن کو تبدیل کرنے کے میدان میں ہم کبھی بھی فراموش نہیں کریں گے کہ ایران کے تعاون سے لبنانی مزاحمت اسرائیلی حکومت کو شکست دینے میں کامیاب رہی۔

انہوں نے مزید کہاکہ صیہونی حکومت پر لبنانی مزاحمت کی طرف سے عائد کردہ شکست صرف تل ابیب کی ناکامی نہیں تھی،یہ ایک شکست تھی جس کا تلخ مزہ امریکہ نے بھی چکھا۔

انقلاب اسلامی کی فتح کے آغاز ہی سے ایران نے اپنے ایجنڈے پر خطے اور دنیا میں مزاحمتی گروہوں اور آزادی کی تحریکوں کی حمایت کی، اس سے امریکہ اور اسرائیل کو بھاری نقصان ہوا۔