عراق سے امریکی فوجیوں کو نکال باہر کئے جانے کی ضرورت پر زور دیا ہے
عراق کی عوامی رضاکار فورس الحشد الشعبی کے ترجمان نے داعش کی خفیہ بنیادوں کو اکھاڑ پھینکنے میں امریکہ کی رخنہ اندازیوں کی طرف اشارہ کرتے ہوئے کہا
شیئرینگ :
عراق کی عوامی رضاکار فورس الحشد الشعبی کے ترجمان نے داعش کی خفیہ بنیادوں کو اکھاڑ پھینکنے میں امریکہ کی رخنہ اندازیوں کی طرف اشارہ کرتے ہوئے عراق سے امریکی فوجیوں کو نکال باہر کئے جانے کی ضرورت پر زور دیا ہے۔
فارس خبر رساں ایجنسی کی رپورٹ کے مطابق عراق کی عوامی رضاکار فورس کے ترجمان علی الحسینی نے المعلومہ نیوز ایجنسی سے گفتگو میں عراق کے الحویجہ سمیت تمام شمالی علاقوں میں امریکی سرگرمیوں کو ناقابل جواز قرار دیتے ہوئے کہا ہے کہ عراق کی سیکورٹی فورس اور عوامی رضاکار فورس ان علاقوں میں داعش دہشت گرد گروہ کے حملوں کا دفاع کرنے کی مکمل توانائی رکھتی ہیں۔عراق میں امریکیوں کی براہ راست فوجی مداخلت اور اس ملک کے مختلف علاقوں پر ان کے قبضے سے نہ صرف یہ کہ عراقی عوام کو تحفظ فراہم نہیں ہوا بلکہ مختلف دہشت گرد گروہوں منجملہ القاعدہ اور داعش کے جنم لینے اور ان گروہوں کی سرگرمیاں بڑھنے کی راہ ہموار ہوئی۔
غزہ میں صہیونی حکومت کے مظالم کے خلاف احتجاج کرنے والے امریکی یونیورسٹی اساتذہ اور طلباء پر امریکی پولیس کے وحشیانہ تشدد کے بعد دنیا بھر میں امریکہ کے خلاف اور ...