پاکستانی وزیرخارجہ نے اسرائیلی طیارے کی پاکستان آمد کی خبر مسترد کردی
اسرائیلی طیارہ آنے کی خبر لغو، بے بنیاد اور من گھڑت ہے، اسرائیل کا کوئی طیارہ پاکستان نہیں آیا
پاکستانی پارلیمنٹ میں اپوزیشن نے اسرائیلی طیارے کی مبینہ آمد سے متعلق حکومتی وضاحت قبول کرلی
شیئرینگ :
پاکستانی پارلیمنٹ میں اپوزیشن نے اسرائیلی طیارے کی مبینہ آمد سے متعلق حکومتی وضاحت قبول کرلی۔
قومی اسمبلی اجلاس میں ملکی معاشی صورتحال پر بحث ہوئی۔ اس موقع پر وزیر خارجہ شاہ محمود قریشی نے پاکستان میں اسرائیلی طیارے کی آمد سے متعلق افواہوں اور خبروں کی تردید کی جب کہ اپوزیشن لیڈر شہباز شریف نے وزیر خارجہ کی وضاحت قبول کرلی۔
وزیر خارجہ شاہ محمود قریشی نے کہا کہ اسرائیلی طیارہ آنے کی خبر لغو، بے بنیاد اور من گھڑت ہے، اسرائیل کا کوئی طیارہ پاکستان نہیں آیا۔ شاہ محمود قریشی نے سعودی بیل آؤٹ پیکیج پر بھی بات کرتے ہوئے کہا کہ سعودی عرب فوج بھجوانے کی کوئی تجویز زیر غور نہیں، سعودیہ نے مدد کے بدلے فوج کا تقاضا نہیں کیا، مالی امداد کیلئے کوئی شرائط نہیں رکھی گئیں۔
قومی اسمبلی میں قائد حزب اختلاف اور مسلم لیگ (ن) کے صدر شہباز شریف نے کہا کہ وزیر خارجہ شاہ محمود قریشی نے جو اسرائیل کی جہاز کی وضاحت دی ہے، ہم اسے قبول کرتے ہیں، شاہ محمود قریشی ذمہ دار شخص ہیں۔
غزہ میں صہیونی حکومت کے مظالم کے خلاف احتجاج کرنے والے امریکی یونیورسٹی اساتذہ اور طلباء پر امریکی پولیس کے وحشیانہ تشدد کے بعد دنیا بھر میں امریکہ کے خلاف اور ...