حزب اللہ کو جنگ کی دھمکی علاقے میں امریکی شکست کی دلیل ہے
جب تک مقاومت کا شرف موجود ہے کبھی بھی ثابت قدمی کا پرچم باطل کے سامنے سر نگوں نہیں ہو گا
شیئرینگ :
حزب اللہ کے نائب سیکرٹری جنرل نے حزب اللہ کے خلاف میڈیا کے پروپیگنڈے پر دکھ کا اظہار کرتے ہوئے کہا ہے کہ یہ امریکہ اور اس کے پٹھووں کی شکست کا اظہار ہے۔
تقریب،خبررساں ایجنسی﴿تنا﴾ کے مطابق، حزب اللہ کے نائب سیکرٹری جنرل شیخ نعیم قاسم نے کالج کے طلبہ کی تقسیم انعامات کی تقریب سے خطاب کرتے ہوئے کہا کہ، ٹرمپ نے حزب اللہ پر مزید پابندیوں اور جنگ کی دھمکی دی ہے اور یہ علاقے میں اس کی شکست کی دلیل ہے ،اس علاقے میں ان کی سازشوں کو شکست ہوئی ہے۔
انھوں نے کہا کہ، حزب اللہ نے امریکہ اور اس کے حواریوں کے حمایت یافتہ دہشت گرد گروہوں کو شکست دینے میں اہم ترین کردار ادا کیا ہے اور لبنان کی ملت اور مقاومت اورفوج نے دنیا کو یہ بتا دیا ہے کہ ملک کے داخلی مسائل میں ہمیں کسی کی بھی ضرورت نہیں ہے۔
انھوں نے مزید کہا ہے کہ،لبنان نے اپنی توانائی کو ظاہر کردیا ہے اور امریکہ حزب اللہ سے اس لئے ناراض ہے کہ مقاومت آزادی اور استقلال کی جستجو میں ہے، اسرائیل کے مقابلے میں ثابت قدم رہی ہے اور اپنے ملک کا بھر پور دفاع کیا ہے۔
شیخ نعیم قاسم نے مزید کہا کہ حزب اللہ کوشش کرتی ہے، مجاہدت کرتی ہے، جانفشانی کرتی ہے، شہدا دیتی ہے اور دفاع کی راہ میں ان کی اہمیت کی قائل ہے لیکن بعض صرف زبانی جمع خرچ کرتے ہیں، جب تک مقاومت کا شرف موجود ہے کبھی بھی ثابت قدمی کا پرچم باطل کے سامنے سر نگوں نہیں ہو گا۔
اسرائیلی قیدیوں کے اہل خانہ کی کمیٹی نے اعلان کیا ہے: غزہ کی گلیوں میں السنور کی موجودگی اور سرنگوں میں قیدیوں کے مرنے کا مطلب جنگ میں "اسرائیل" کی شکست ہے۔