ایران کے ساتھ جوہری معاہدے کے نفاذ کے لئے تعاون کا سلسلہ جاری رہے گا
یورپی یونین کی جانب سے ڈاکٹر حسن روحانی کو دوسری مرتبہ ایران کے صدر منتخب ہونے پر مبارکباد
انتخابات میں ایرانی عوام کی نمایاں شرکت ملکی سیاسی معاملات میں عوام کے تعاون کی روشن مثال ہے
شیئرینگ :
یورپی یونین نے ڈاکٹر حسن روحانی کو دوسری مرتبہ ایران کے صدر منتخب ہونے پر مبارکباد پیش کی ہے۔
تفصیلاے کے مطابق یورپی یونین نے ڈاکٹر حسن روحانی کو دوسری مرتبہ ایران کے صدر منتخب ہونے پر مبارکباد پیش کرتے ہوئے ایران کے ساتھ جوہری معاہدے کے نفاذ کے لئے تعاون کا سلسلہ جاری رکھنے پر تاکید کی ہے.
تفصیلات کے مطابق، یورپی کونسل کے چیئرمین ڈونلڈ ٹسک اور یورپی کمیٹی کے سربراہ جین کلاڈ یانکر نے ڈاکٹر حسن روحانی کے نام اپنے مشترکہ خط میں ایران کے حالیہ صدارتی انتخابات میں عوام کی بھرپور شرکت کی تعریف کی.
انہوں نے کہا کہ انتخابات میں ایرانی عوام کی نمایاں شرکت ملکی سیاسی معاملات میں عوام کے تعاون کی روشن مثال ہے.
اعلی یورپی قیادت نے کہا کہ یورپی یونین کی جانب سے ایران جوہری معاہدے کے نفاذ کے حوالے سے مکمل تعاون کا سلسلہ جاری رہے گا کیونکہ ہم جوہری معاہدے کو بین الاقوامی سفارتکاری میں اہم کامیابی سمجھتے ہیں.
خط میں اس امید کا اظہار کیا گیا ہے کہ ایران اور یورپ کے درمیان تعلقات کو مزید فروغ ملے بالخصوص عنقریب مستقبل میں ایران میں یورپی یونین کے دفتر کا بھی افتتاح کیا جائے گا.
یورپی عہدیداروں نے کہا کہ ہمیں امید ہے کہ صدر حسن روحانی کے دوسرے دور میں ایرانی عوام کو اپنے مقاصد کے حصول کے لئے مزید کامیابی ملے گی جس سے ملک کی خوشحالی اور اقتصادی ترقی کی سطح میں اضافہ ہوگا.
سفارتی ذرائع نے بتایاکہ دونوں ملکوں کے درمیان دہشت گردی سے نمٹنے کیلئے مشترکہ تعاون بہتر بنایا جارہا ہے، دونوں ملکوں نے سرحد پر دہشت گردی کے خلاف مشترکہ کوششیں ...