ایرانی میزائیلوں نے شام میں اپنے اہداف کو سو فیصد نشانہ بنایا
ایرانی میزائلوں کا الگ ہونے والا انجن دراصل عراق کے بعض علاقوں میں گرا ہے لیکن اصل میزائلوں نے اپنے ہداف کو بالکل کامیابی کے ساتھ نشانہ بنایا
جنرل حاجی زادہ نے کہا کہ اس سلسلے میں شام میں موجود ہمارے ڈرون طیاروں نے تصاویر بنائی ہیں جنہیں ہم نے منتشر بھی کیا ہے
شیئرینگ :
سپاہ پاسداران کی ایرو اسپیس فورس کے کمانڈر نے کہا ہے کہ ایرانی میزائلوں نے اپنے اہداف کو کامیابی کے ساتھ نشانہ بنایا ہے۔
تقریب خبررساں ایجنسی کے مطابق اسلامی جمہوریہ ایران کی سپاہ پاسداران انقلاب اسلامی کی ایرو اسپیس فورس کے کمانڈر جنرل حاجی زادہ نے گذشتہ شب گفتگو کرتے ہوئے کہا کہ شام میں تکفیری دہشت گرد گروہ داعش کی کمین گاہوں پر فائر کئے گئے ایرانی میزائلوں نے اپنے اہداف کو کامیابی کے ساتھ نشانہ بنا کر تباہ کیا ہے۔
جنرل حاجی زادہ نے شام میں داعش کے ٹھکانوں کو میزائلوں کے زریعے نشانہ بنانے کے بارے میں غاصب صیہونی حکومت کی نکتہ چینی کے بارے میں سوال کا جواب دیتے ہوئے کہا کہ ایران سے فائر کئے گئے تمام میزائلوں نے اپنے اہداف کو بالکل درست اور کامیابی کے ساتھ نشانہ بنایا ہے۔
انھوں نے کہا کہ ہدف تک پہنچنے سے پہلے بعض میزائلوں کا ایک حصہ جسے انجن کہا جاتا ہے الگ ہوجاتا ہے ایرانی میزائلوں کا الگ ہونے والا انجن دراصل عراق کے بعض علاقوں میں گرا ہے لیکن اصل میزائلوں نے اپنے ہداف کو بالکل کامیابی کے ساتھ نشانہ بنایا ہے جس کے ثبوت موجود ہیں۔
جنرل حاجی زادہ نے کہا کہ اس سلسلے میں شام میں موجود ہمارے ڈرون طیاروں نے تصاویر بنائی ہیں جنہیں ہم نے منتشر بھی کیا ہے۔
جنرل حاجی زادہ نے کہا کہ شام میں جب ایرانی میزائلوں نے داعش کے ٹھکانوں کو تباہ کیا تو اس کے 4 منٹ بعد امریکی جنگی ڈرونز نے اس علاقے پر پرواز کی جس سے ثابت ہوتا ہے ہماری کارروائی بالکل درست کارروائی تھی۔
انھوں نے کہا کہ شاید روس نے امریکہ کو بھی ایران کے میزائل حملے سے آگاہ کردیا تھا۔ ایران کے میزائل حملے میں داعش کو بہت زيادہ جانی اور مالی نقصان ہوا ہے کچھ اطلاعات ہمارے پاس موجود ہیں حملے کےمختلف پہلوؤں کے بارے میں آئندہ مزید اطلاعات بھی موصول ہوں گی۔
سفارتی ذرائع نے بتایاکہ دونوں ملکوں کے درمیان دہشت گردی سے نمٹنے کیلئے مشترکہ تعاون بہتر بنایا جارہا ہے، دونوں ملکوں نے سرحد پر دہشت گردی کے خلاف مشترکہ کوششیں ...