ایران کی پارلیمنٹ کے اسپیکر کی امریکہ میں مقیم ایرانیوں سے ملاقات
ایران کی پارلیمنٹ کے اسپیکر کی امریکہ میں مقیم ایرانیوں سے ملاقات
اسلامی جمہوریہ ایران کی پارلیمنٹ کے اسپیکر نے بیرون ممالک مقیم ایرانیوں کو ایران کے لئے انسانی سرمایہ قرار دیا ہے۔
شیئرینگ :
اسلامی جمہوریہ ایران کی پارلیمنٹ کے اسپیکر نے بیرون ممالک مقیم ایرانیوں کو ایران کے لئے انسانی سرمایہ قرار دیا ہے۔ رپورٹ کے مطابق اسلامی جمہوریہ ایران کی پارلیمنٹ کے اسپیکر ڈاکٹر علی لاریجانی نے بدھ کے دن نیویارک میں مقیم ایرانی شہریوں سے ملاقات کی۔ ڈاکٹر علی لاریجانی نے بیرون ملک مقیم ایرانیوں کی حمایت کو ایرانی وزارت خارجہ کا فرض قرار دیا۔
اسلامی جمہوریہ ایران کی پارلیمنٹ کے اسپیکر نے اس بات پر تاکید کرتے ہوئے کہ ایران اور گروپ پانچ جمع ایک کے درمیان ہونے والے معاہدے کی وجہ سے ایران اور یورپ کے تعلقات میں ایک نیا باب کھلا ہے کہا کہ مجموعی طور پر یہ معاہدہ ایران کے قومی مفادات کے حق میں ہے۔ انہوں نے کہا کہ اگرچہ اس میں بعض نقائص پائے جاتے ہیں لیکن یہ چیز مثبت سمجھی جاتی ہے کہ یورپ کو ایران کے ایٹمی حقوق تسلیم کرنے پر مجبور ہونا پڑا۔
اسلامی جمہوریہ ایران کی پارلیمنٹ کے اسپیکر ڈاکٹر علی لاریجانی نے نیویارک میں بدھ کے دن صیہونیت مخالف امریکی یہودیوں سے بھی الگ سے ملاقات کی۔ ڈاکٹر علی لاریجانی نے اس موقع پر یہودیت کی تعلیمات کی جانب اشارہ کرتے ہوئے کہا کہ یہودیت کی بنیاد خدا تعالی کی عبادت پر استوار ہے، قرآن کریم میں بھی حضرت موسی (ع ) کو آسمانی کتاب کا حامل پیغمبر قرار دیا گیا ہے اور تمام مسلمان ان کو احترام کی نظر سے دیکھتے ہیں۔
ڈاکٹر علی لاریجانی نے مزید کہا کہ عالمی صیہونزم، یہودیت کو بگاڑنے اور بظاہر مسلمان نظر آنے والے انتہاپسند اور دہشت گرد گروہ مشرق وسطی کے علاقے میں اپنے گھناونے اقدامات کے ذریعے اسلام کا چہرہ مسخ کرکے پیش کرنے کی کوشش کر رہے ہیں۔
امریکہ کی صیہونیت مخالف یہودی کمیونٹی کے سربراہ خاخام موشے داوبک نے بھی اس ملاقات میں صیہونزم کو خاص اہداف کی حامل ایک سیاسی تحریک قرار دیا اور کہا کہ حقیقی یہودیت کا صیہونزم سے کوئی تعلق نہیں ہے۔انہوں نے کہا کہ یہودیت کی تاریخ تین ہزار برسوں پر محیط ہے لیکن صیہونزم کو صرف ایک سو پچاس سال قبل اور ایک سازش کے تحت وجود میں لایا گیا۔
غزہ میں صہیونی حکومت کے مظالم کے خلاف احتجاج کرنے والے امریکی یونیورسٹی اساتذہ اور طلباء پر امریکی پولیس کے وحشیانہ تشدد کے بعد دنیا بھر میں امریکہ کے خلاف اور ...