رہبر انقلاب اسلامی کی جانب سے شہید صدر اور ان کے ساتھیوں کی یاد میں مجلس عزا منعقد کی جائے گی

رہبر معظم انقلاب اسلامی حضرت آیت اللہ العظمی سید علی خامنہ ای 25 مئی کو دارالحکومت تہران میں شہید ایرانی صدر ابراہیم رئیسی اور ان کے ساتھیوں کی یاد میں مجلس عزا منعقد کریں گے۔

ایران کے شہید صدر رئیسی اور ان کے ساتھیوں کی یاد میں مجلس عزا 25 مئی بروز ہفتہ صبح 9:30 بجے تہران کے امام خمینی حسینیہ میں منعقد ہوگی۔

صدر رئیسی اور ان کے ساتھی بشمول وزیر خارجہ حسین امیرعبداللہیان، اتوار کو آذربائیجان کی سرحد پر ایک ڈیم کے منصوبے کا افتتاح کرنے کے لیے ایک تقریب سے واپس آرہے تھے جب ان کا ہیلی کاپٹر ایران کے شمال مغرب کے پہاڑی علاقے میں سخت موسمی حالات میں گر کر تباہ ہوگیا۔