شمالی عراق میں "PKK" سے ہتھیاروں اور گولہ بارود کی برآمد

عراقی میڈیا نے ترکی کی وزارت دفاع کا حوالہ دیتے ہوئے شمالی عراق میں کردستان ورکرز پارٹی کے ارکان سے بھاری مقدار میں اسلحہ، گولہ بارود اور طبی آلات قبضے میں لینے کی اطلاع دی ہے۔

 عراقی میڈیا نے جمعرات کے روز ترکی کی وزارت دفاع کا حوالہ دیتے ہوئے اعلان کیا کہ شمالی عراق میں کردستان ورکرز پارٹی (PKK) کے عناصر سے متعلق بڑی مقدار میں ہتھیار، گولہ بارود، طبی آلات اور دیگر سامان قبضے میں لے لیا گیا ہے۔ 

اس وزارت کے بیان میں کہا گیا ہے کہ ترک فوج نے شمالی عراق کے گاؤں درگلہ کے معائنے کے دوران یہ ہتھیار، گولہ بارود اور سامان دریافت کیا اور ضبط کرلیا۔

ترک وزارت دفاع نے ان گولہ بارود اور سامان کی ایک ویڈیو جاری کی ہے جو ایک پناہ گاہ سے دریافت ہوئے تھے۔

قبل ازیں عراق کی قومی سلامتی کی وزارتی کونسل کے اجلاس میں مشترکہ سرحدی علاقوں میں ترک افواج کی مداخلتوں اور حملوں کے معاملے کا جائزہ لیتے ہوئے ملک کی سرزمین پر ترکی کے اثر و رسوخ کے خلاف عراق کی مخالفت پر زور دیا گیا۔

عراقی سیکورٹی ذرائع نے بتایا کہ ترک فورسز نے گزشتہ دنوں کردستان ورکرز پارٹی (PKK) کے خلاف ایک نئے فوجی آپریشن کے دوران کردستان ریجن کے صوبہ دوہوک کے درجنوں دیہات کا کنٹرول سنبھال لیا۔