عراقی مقاومت اسلامی کا شام میں واقع قابض امریکی فوج کے اڈوں پر میزائل حملے

شام کے مشرقی علاقوں میں قابض امریکی فوج کے اڈوں پر مقاومت اسلامی نے کئی حملے کئے ہیں

عراقی مقاومت اسلامی نے شام میں واقع قابض امریکی فوج کے اڈوں پر میزائل حملے کئے ہیں۔

ذرائع کے مطابق دیرالزور کے قصبے الخضرا میں تیل کے کنویں پر ڈیوٹی دینے والے امریکی فوجیوں کی کمین گاہوں پر کئی میزائل اور راکٹ حملے کئے گئے ہیں۔

دوسری طرف رائٹرز نے امریکی باخبر ذرائع کے حوالے سے کہا ہے کہ کونیکو کے کنوؤں پر مامور امریکی فوجی دستے پر 6 ڈرون حملے کئے گئے ہیں۔

المیادین اور اسپوٹنک نے بھی دیرالزور میں امریکی فوجی اڈوں پر مقاومت اسلامی کے حملوں کی تصدیق کی ہے۔