ایران اور قطر کے وزرائے خارجہ کا ٹیلی فونی رابطہ

اسلامی جمہوریہ ایران اور قطر کے وزرائے خارجہ نے آج6 فروری بروز منگل ٹیلی فون پر بات چیت کی۔

ایرانی وزیر خارجہ حسین امیرعبداللہیان اور قطری وزیر اعظم اور وزیر خارجہ شیخ محمد بن عبدالرحمن الثانی نے ٹیلیفون پر بات چیت کرتے ہوئے خطے اور فلسطین کی تازہ ترین پیش رفت پر تبادلہ خیال کیا۔ گذشتہ چار مہینوں میں غزہ پر صیہونی حکومت کے حملوں کے بعد دونوں وزرائے خارجہ نے کئی فون پر بات چیت کی اور امیر عبداللہیان کے دوحہ کے دوروں کے دوران ایک دوسرے سے ذاتی طور پر ملاقات کی اور غزہ کی صورتحال پر تبادلہ خیال کیا۔

اس فون کال میں تازہ ترین دوطرفہ امور، غزہ اور خطے پر تبادلہ خیال کیا گیا۔

گزشتہ دو ہفتوں میں دونوں وزرائے خارجہ کے درمیان یہ دوسری فون کال ہے۔

غزہ کے خلاف جنگ کو روکنے کے لیے کوششوں اور سیاسی تحریکوں کی تازہ ترین صورتحال اور جنگ بندی کے قیام، قیدیوں کے تبادلے اور غزہ کے لوگوں کے لیے بین الاقوامی انسانی امداد کی ترسیل کے لیے مجوزہ اقدامات اس ٹیلی فون پر ہونے والی گفتگو میں زیر بحث تھے۔

ایران اور قطر کے وزرائے خارجہ نے بھی قطر میں ہونے والے ایشین نیشن کپ کے سیمی فائنل مرحلے میں دونوں ممالک کی قومی فٹ بال ٹیموں کے درمیان ہونے والے میچ کا ذکر کرتے ہوئے اپنے ملکوں کی قومی فٹ بال ٹیموں کی کامیابی کی خواہش کی۔

قطر کے وزیر اعظم اور وزیر خارجہ شیخ محمد بن عبدالرحمن الثانی نے 7 فروری کو حسین امیر عبداللہیان کے ساتھ ٹیلیفون پر بات چیت کی۔