امریکی سفیر نکی ہیلی نے ٹرمپ کے خلاف تحقیقات کا مطالبہ کردیا
10 سے زائد امریکی خواتین نے الزام عائد کیا ہے کہ صدر ڈونلڈ ٹرمپ نے اپنا منصب سنبھالنے سے قبل انہیں جنسی زیادتی کا نشانہ بنایا تھا
امریکی سفیر کا کہنا تھا کہ مجھے ان تمام خواتین پر فخر ہے، جنہوں نے ہالی ووڈ کے ستاروں سمیت دیگر معروف شخصیات کے جنسی حملوں اور ان کا بھیانک چہرہ بے نقاب کرنے کی کوشش کی
شیئرینگ :
اقوام متحدہ میں امریکی سفیر نکی ہیلی کا کہنا ہے کہ صدر ڈونلڈ ٹرمپ پر جنسی استحصال کے الزامات کی تحقیقات ہونی چاہئے۔
غیرملکی خبررساں ادارے کے مطابق 10 سے زائد امریکی خواتین نے الزام عائد کیا ہے کہ صدر ڈونلڈ ٹرمپ نے اپنا منصب سنبھالنے سے قبل انہیں جنسی زیادتی کا نشانہ بنایا تھا۔
اقوام متحدہ میں امریکی سفیر نکی ہیلی نے بھی اس بات پر زور دیا ہے کہ جن خواتین نے الزامات عائد کئے ہیں ان کی بات سنی جائے۔
امریکی سفیر کا کہنا تھا کہ مجھے ان تمام خواتین پر فخر ہے، جنہوں نے ہالی ووڈ کے ستاروں سمیت دیگر معروف شخصیات کے جنسی حملوں اور ان کا بھیانک چہرہ بے نقاب کرنے کی کوشش کی۔
جن خواتین نے صدر ڈونلڈ ٹرمپ پر جنسی استحصال کے الزامات عائد کئے ہیں ان کی بات سنی جائے اور اس حوالے سے تحقیقات ہونی چاہئیں۔
طلبہ نے آسٹریلوی وزیراعظم کی اسرائیل اور غزہ کے بارے میں پالیسی کے خلاف نعرے بازی کی اور آسٹریلوی حکومت سے غزہ میں تشدد کی شدید مذمت کرنے کا مطالبہ کیا۔