پاکستان بھارت سے سفارتی تعلقات بحال کرے

پاکستان اور ہندوستان کے مابین کشمیر کے حوالے سے کشیدگی بڑھنے اور ہندوستانی ہائی کمشنر اجئے بساریہ کو ملک چھوڑنے کے بعد ہندوستان نے پاکستان سے سفارتی تعلقات معمول پرلانے کی اپیل کی ہے۔
ہدوستانی وزارت خارجہ نے پاکستان سے کہا ہے کہ ہندوستان کی حکومت امید کرتی ہے کہ پاکستان سفارتی تعلقات منقطع کرنے اور دو طرفہ تجارت معطل کرنے کے فیصلے پر نظر ثانی کرے گا تاکہ دونوں ممالک میں معمول کے سفارتی تعلقات قائم رہیں۔
ہندوستانی وزارت خارجہ نے کہا کہ پاکستان کے اس اقدام سے دنیا کو پیغام جائے گا کہ ہمارے دو طرفہ تعلقات کی صورتحال تشویش ناک ہے، جبکہ پاکستان نے جن وجوہات پر یہ فیصلہ کیا ہے ان کا زمینی حقائق سے کوئی تعلق نہیں۔
واضح رہے کہ ہندوستان کی جانب سے اس ملک کے زیر انتظام کشمیر کی خصوصی حیثیت ختم کرنے پر پاکستان نے ہندوستان سے دو طرفہ تجارت معطل اور سفارتی تعلقات محدود کرنے کا فیصلہ کیا ہے۔