تقریب نیوز (تنا):عالمی اردوخبررساں ادارے‘‘نیوزنور’’کی رپورٹ کے مطابق امریکی تجزیہ نگار اور امریکن یونیورسٹی کےپروفیسر ‘‘ پال شلڈو کہتے ہیں کہ امریی صدر اوبامہ کے پاس منتخب کرنے کے لئے دو چیزیں ہیں ایک یہ کہ وہ ایران کے ساتھ تمام تنازعات کو حل کرنے کی اپنی بات پراڈے رہے یا پھراپنے آپ کو صیہونی حکومت کے سپرد کرے جو ہمیشہ مشرق وسطیٰ میں جنگ کی خواہاں ہے۔
پال شلڈن کا بیان اس وقت پرسامنے آیا ہے جب حال ہی میں امریکا نے ایران کی ان کمپنیوں پر پابندی عائد کرنے کا فیصلہ کیا جو ایران کے جوہری پروگام کی حمایت کرتے ہیں۔
ایران پر پابندیوں کی سخت مخالفت کرتے ہوئے امریکی تجزیہ نگار نے اسے ایک جنگی عمل قرار دیتے ہوئے وائٹ ہاوس پر زور دیا کہ وہ اسلامی جمہوری ایران کے ساتھ اپنے سفارتی تعلقات بحال کرے۔انہوں نے کہا کہ اگر صدر اوبامہ تہران پر مزید دباو ڈالنے کی غرض سے نئی پابندیوں کی منظوری دیتے ہیں تو وہ دنیا میں اپنا وقار کھو دیں گے۔
واضح رہے کہ ایران نے امریکا کو خبردار کیا ہے کہ اگر امریکی کانگرس میں ایران کے خلاف نئی پابندیوں کی بل کو پاس کیا گیا تو اس صورت میں جینوا معائدہ ختم ہوجائے گا۔