سعودی عرب کا پابندیاں عائد نہ ہونے پر امریکہ سے اظہار تشکر

سعودی عرب نے لاپتہ سعودی صحافی جمال خاشقجی کے معاملے پر پابندیاں عائد نہ کرنے پر امریکہ کا شکریہ ادا کیا ہے۔

بین الاقوامی خبررساں ایجنسی نے النشرہ کے حوالے سے نقل کیا ہے کہ سعودی عرب نے لاپتہ سعودی صحافی جمال خاشقجی کے معاملے پر پابندیاں عائد نہ کرنے پر امریکہ کا شکریہ ادا کیا ہے۔

اطلاعات کے مطابق امریکہ میں سعودی عرب کے سفارتخانہ نے ایک بیان میں امریکہ اور ان تمام ممالک کا شکریہ ادا کیا ہے جنھوں نے خاشقجی کے بارے میں جلد بازی سے پرہیز کیا ہے۔ ذرائع کے مطابق امریکہ نے اپنے متضاد بیان میں کبھی سعودی عرب کو سخت سزا دینے کی دھمکی دی ہے اور کبھی خاشقجی کے معاملے کو نظر انداز کرکے سعودی عرب پر پابندیاں عائد نہ کرنے کا اعلان کیا ہے۔