رہبر انقلاب اسلامی سے پہلوان علیرضا کریمی کی ملاقات

رہبر انقلاب اسلامی حضرت آیت اللہ العظمیٰ خامنہ ای نے اسلامی جمہوریہ ایران کے پہلوان علیرضا کریمی سے ملاقات کی ہے۔

تقریب خبر رساں ایجنسی کے مطابق رہبر انقلاب اسلامی حضرت آیت اللہ العظمیٰ خامنہ ای نے اسلامی جمہوریہ ایران کے پہلوان علیرضا کریمی سے ملاقات میں فرمایا ہے کہ آپ نے عزت آفرین کام انجام دیا ہے اور ایک عظیم ہدف کی خاطر اپنے حق سے صرف نطر کیا ہے۔

مقام معظم رہبری کے دفتر کی ویب سائیٹ کے مطابق آیت اللہ خامنہ ای نے علیرضا کریمی کے عظیم اقدام کو پوریای ولی جیسے عظیم پہلوان کے عمل جیسا قرار دیا اور فرمایا کہ میں آپ کے اس عمل سے عزت کا احساس کررہا ہوں کیونکہ آپ نے یہ ثابت کردیا کہ ہمارے جوانوں میں سے ایک ایسا جوان حاضر ہے کہ جو عظیم اور بڑے ہدف کی خاطر اپنے نفس کو قدموں تلے رودنے پر تیار ہوگیا اور اپنی اس نے اپنی حتمی کامیابی سے صرف نظر کیا۔

آپ نے مزید فرمایا کہ اس کام کی اہمیت کو سمجھیں اور اس کے معنوی اجر کا خدا سے تقاضہ کریں، البتہ حکام کو چاہئے کہ وہ مادی انعامات اور قدردانی میں کوتاہی نہ کریں۔