پاکستان کی نئی حکومت کے پہلے غیر ملکی مہمان بن سلمان

سعودی عرب کے ولی عہد اور پاکستان کے نئے وزیراعظم کے درمیان حالیہ فون کال کے بعد اسلام آباد میں سفارتی ذرائع نے اعلان کیا کہ محمد بن سلمان ماہ رمضان کے بعد پاکستان کا سرکاری دورہ کریں گے۔

 سعودی ولی عہد شہزادہ محمد بن سلمان نے محمد شہباز شریف کو پاکستان کا وزیر اعظم منتخب ہونے پر مبارکباد دی اور اسلام آباد کے ساتھ تعلقات کو فروغ دینے کے لیے ریاض کی آمادگی کا اعلان کیا۔

شہباز شریف نے سعودی عرب کے ساتھ پاکستان کے دوطرفہ تعلقات کو مضبوط بنانے کے عزم کی بھی تجدید کی اور بن سلمان کو دورہ اسلام آباد کی دعوت دی۔

پاکستان کے جیو نیوز چینل نے آج سفارتی ذرائع کے حوالے سے اعلان کیا ہے کہ نئی حکومت کے اقتدار سنبھالنے کے بعد سعودی ولی عہد پاکستان کا سرکاری دورہ کرنے والے پہلے غیر ملکی اہلکار ہوں گے۔

اس رپورٹ کے مطابق دونوں ممالک کے سربراہان کے درمیان طے پانے والے معاہدے کے مطابق سعودی ولی عہد ممکنہ طور پر رمضان المبارک کے بعد اسلام آباد کا سرکاری دورہ کریں گے۔

سعودی عرب کے ولی عہد کی حیثیت سے محمد بن سلمان کا پاکستان کا آخری سرکاری دورہ فروری 2017 کے آخر میں ہوا تھا۔