یمنی فوج کا بحیرہ احمر میں ایک امریکی بحری جہاز پر حملہ

یمن کی مسلح افواج کے ترجمان بریگیڈیئر یحییٰ سریع نے منگل کی صبح کہا کہ یمنی فوج نے بحیرہ احمر میں ایک امریکی بحری جہاز کو نشانہ بنایا ہے۔

المسیرہ نیٹ ورک کے مطابق بریگیڈیئر سریع نے بتایا کہ بحیرہ احمر میں جس امریکی بحری جہاز کو متعدد میزائلوں سے نشانہ بنایا گیا اس کا نام Pinocchio تھا۔

بریگیڈیئر یحییٰ سریع نے  تاکید کی کہ غزہ پر حملے اور ناکہ بندی کے خاتمے تک ہم بحری جہازوں کو مقبوضہ فلسطین کی بندرگاہوں پر جانے سے روکتے رہیں گے۔

یمنی فوج نے گزشتہ ہفتے بھی بحیرہ احمر میں دو امریکی تباہ کن طیاروں کو نشانہ بنایا تھا۔

یمنی فوج نے گزشتہ چند مہینوں میں غزہ کی پٹی میں فلسطینی قوم کی مزاحمت کی حمایت میں بحیرہ احمر اور آبنائے باب المندب میں مقبوضہ علاقوں کے لیے جانے والے متعدد صہیونی بحری جہازوں کو نشانہ بنایا۔

یمن نے عزم کیا ہے کہ جب تک صیہونی حکومت غزہ پر اپنے حملے بند نہیں کرتی وہ اس حکومت کے جہازوں یا بحیرہ احمر میں مقبوضہ علاقوں کے لیے جانے والے جہازوں پر حملے جاری رکھیں گے۔

انہوں نے اس بات پر زور دیا ہے کہ خلیج عدن اور بحیرہ احمر میں دیگر بحری جہازوں کے لیے جہاز رانی کو مکمل تحفظ حاصل ہے۔