غزہ میں شہداء کی تعداد 30,200 سے تجاوز کر گئی

 غزہ کی پٹی میں فلسطینی وزارت صحت نے ایک بیان جاری کرتے ہوئے گذشتہ سال 7 اکتوبر سے غزہ کی پٹی پر صیہونی حکومت کی فوج کے حملوں میں شہداء اور زخمیوں کی مجموعی تعداد میں اضافے کا اعلان کیا ہے۔

غزہ کی پٹی میں فلسطینی وزارت صحت نے اعلان کیا ہے کہ گذشتہ سال 7 اکتوبر سے غزہ کی پٹی پر صیہونی حکومت کے حملوں میں شہید ہونے والوں کی تعداد 30 ہزار 228 ہو گئی ہے اور ان حملوں میں زخمی ہونے والوں کی تعداد 71 ہزار 377 ہو گئی ہے۔ .

علاوہ ازیں غزہ کی پٹی میں فلسطینی وزارت صحت کی رپورٹ کے مطابق غاصب صیہونی حکومت کی فوج نے گذشتہ 24 گھنٹوں کے دوران غزہ کی پٹی میں 16 جرائم اور قتل وغارت گری کی ہے۔

غزہ کی پٹی میں فلسطینی وزارت صحت نے اعلان کیا ہے کہ گزشتہ 24 گھنٹوں کے دوران غزہ کی پٹی پر اسرائیلی فوج کے حملوں کے نتیجے میں 193 فلسطینی شہید اور 920 زخمی ہوئے ہیں۔

دوسری جانب الجزیرہ کے رپورٹر نے بھی اطلاع دی ہے کہ غزہ شہر کے "کمال عدوان" اسپتال میں غذائی قلت اور ادویات کی عدم دستیابی کے باعث مرنے والے بچوں کی تعداد 8 تک پہنچ گئی ہے۔