فلسطینی مقاومتی تنظیموں اور صہیونی حکومت کے درمیان قطر میں مسلسل مذاکرات جاری

اسرائیلی فوجی ریڈیو کے مطابق قطر میں ہونے والے مذاکرات کے نتیجے میں صہیونی حکومت اور حماس کے درمیان قیدیوں کے تبادلے اور جنگ بندی کا کسی بھی وقت اعلان کیا جاسکتا ہے۔

فلسطینی مقاومتی تنظیموں اور صہیونی حکومت کے درمیان قطر میں مسلسل مذاکرات جاری ہیں۔

صہیونی کے ریڈیو کے مطابق حماس اور صہیونی حکومت کے درمیان کسی وقفے کے بغیر مذاکرات جاری ہیں جس کے نتیجے میں کسی بھی لمحے غزہ میں جنگ بندی اور قیدیوں کے تبادلے کا اعلان متوقع ہے۔

اس سے پہلے ذرائع ابلاغ میں خبریں گردش کررہی تھیں کہ دوحہ میں مذاکرات پر مامور صہیونی وفد جمعرات کو تل ابیب روانہ ہوگا اور صہیونی حکام کو مذاکرات میں ہونے والی پیشرفت کے حوالے سے بریفنگ دے گا۔