ورلڈ فوڈ پروگرام نے سردیوں کے موسم میں افغانستان کے لیے انسانی امداد کا مطالبہ کردیا

ورلڈ فوڈ پروگرام نے ایک بار پھر ڈونر ممالک سے کہا کہ وہ آنے والے موسم سرما میں افغانستان میں ضرورت مندوں کو انسانی امداد فراہم کریں۔

ورلڈ فوڈ پروگرام کی افغانستان شاخ نے ایکس سوشل نیٹ ورک پر شائع ہونے والے ایک بیان میں اعلان کیا ہے کہ ورلڈ فوڈ پروگرام کو اس سال بجٹ میں 60 فیصد کمی کا سامنا ہے۔

اس بیان کے مطابق افغانستان سب سے زیادہ کمزور اور مظلوم ممالک میں سے ایک ہے جہاں اس سال ایک کروڑ ضرورت مند افراد اہم امداد سے محروم ہو گئے ہیں۔

اپنے حالیہ ویڈیو پیغام میں افغانستان میں اس تنظیم کے سربراہ نے افغانستان میں آنے والے موسم سرما میں 21 ملین ضرورت مندوں کو خوراک فراہم کرنے کے لیے 1 بلین مالی امداد کی درخواست کی۔

اعداد و شمار کے مطابق تقریباً 90 فیصد افغان عوام خط غربت سے نیچے زندگی گزار رہے ہیں۔