مسلمانوں میں وحدت کی اہمیت کو فروغ دینے کے عنوان سے علماء اور دانشمندوں کی آراء کو پیش کیا جارہا ہے
آپ علیہ السلام نے اپنے متعدد خطبات میں مسلمانوں کے درمیان اتحاد اور وحدت کی اہمیت پر زور دیا ہے اور وحدت کو مسلمانوں کی ترقی اور بقاء کا راز قرار دیا ہے
شیئرینگ :
نہج البلاغہ کی نظر میں وحدت کی اہمیت
تقریب خبر رساں ایجنسی کے مطابق مسلمانوں میں وحدت کی اہمیت کو فروغ دینے کے عنوان سے علماء اور دانشمندوں کی آراء کو پیش کیا جارہا ہے
اس مقدس ہدف کی بنیاد قرآن و سنت ہے جس میں مسلمانوں کو حکم دیا گیا ہے کہ آس میں تفرقہ ایجاد نہ کریں، کیوں کہ مسلمانوں کے درمیان تفرقہ اللہ کی عنایات میں کمی کا باعث ہے اور مسلمانوں کی ذلت و رسوائی کا سب سے بڑا سبب بھی ہے۔
مولا امیر المومنین علیہ السلام کی مسلمانوں کے درمیان وحدت سے متعلق نظر تمام مسلمانوں کے لیے راہنما اور نمونہ کی حیثیت رکھتی ہے۔ آپ علیہ السلام نے اپنے متعدد خطبات میں مسلمانوں کے درمیان اتحاد اور وحدت کی اہمیت پر زور دیا ہے اور وحدت کو مسلمانوں کی ترقی اور بقاء کا راز قرار دیا ہے۔
امام علی علیہ السلام نے اپنے ایک خطبے میں رسول اللہ ﷺ کی بعثت کی دلیل بیان کرتے ہوئے فرمایا " اللہ نے وسیلے کے ذریعے لوگوں کے دلوں سے دور کیا ، فتنے کی آگ کو بجھا دیااور امت کے درمیان برادی اور اٹوت کے رشتے کو قائم کیا"۔
ایک مقام پر فرمایا؛ تم لوگوں نے اطاعت خدا سے ہاتھ اٹھا لیا ہے اور دور جاہلیت کو زندہ کرنا چاہتے ہو اور قلعہ الھی کو مسمار کرنا چاہتے ہو، جبکہ اللہ نے تم کو وحدت کے حصار میں ایک دوسرے کے نزدیک قرار دیا ہے اور تم پر احسان کیا ہے تاکہ تم آسانی سے زندگی گذار سکو اور کوئی بھی نعمت اس نعمت کا مقابلہ نہیں کرسکتی کیوںکہ یہ ایک انمول نعمت الھی ہے۔