جواد ظریف کا اقوام متحدہ کے سیکریٹری جنرل سے افغانستان کے مسئلہ پر تبادلہ خیال

ایران کے وزیر خارجہ ڈاکٹر محمد جواد ظریف نے اقوام متحدہ کے سیکریٹری جنرل انتونیو گوتریس سے ٹیلی فون پر گفتگو کی ہے۔
وزارت خارجہ کے جاری کردہ پریس نوٹ کے مطابق وزیر خارجہ محمد جواد ظریف اور سیکریٹری جنرل انتونیو گوتریس کے درمیان ہونے والی اس بات چیت میں افغاستان کی تازہ ترین صورتحال پر تبادلہ خیال کیا گیا۔علاقائی اور عالمی سطح پر ایک بااثر اور اہم ملک کے حیثیت سے اسلامی جمہوریہ ایران ، افغانستان سمیت تمام علاقائی تنازعات کو بات چیت اور سفارت کاری کے ذریعے حل کیے جانے کا خواہاں رہا ہے۔ایرانی حکام بارہا اپنے اس موقف کا اعلان کرچکے ہیں کہ ، افغانستان میں امن و استحکام کی کسی بھی کوشش میں افغان حکومت کو مرکزی کردار حاصل ہونا چاہیے۔