ایران یورینئم مین افجائش کا کمی کا کرنے کا اختیار رکھتا ہے

ایٹمی انرجی کی عالمی ایجنسی کے سربراہ نے اعلان کیا ہے کہ ایران کی جانب سے ایٹمی سمجھوتے پر عمل درآمد میں کمی لائے جانے کے باوجود ایران میں اس کے انسپیکٹروں کے معائنے کا سلسلہ بدستور جاری ہے
یورو نیوز چینل کے مطابق ایٹمی انرجی کی عالمی ایجنسی کے سربراہ رافائل گروسی نے  کہا کہ ایران کی جانب سے ایٹمی سمجھوتے کی شقوں پر عمل درآمد کی سطح میں کمی کے باوجود اس اداے کے انسپیکٹر ایران میں بلاکسی خلل کے اپنے معائنوں کا سلسلہ جاری رکھیں گے۔ رافائل گروسی نے ایران کی جانب سے ایٹمی سمجھوتے کی شقوں پر عمل درآمد میں کمی لانے کے سلسلے میں کہا کہ ایٹمی انرجی کی عالمی ایجنسی کے انسپیکٹروں کے معائنے کے مطابق دوہزار پندرہ کی نسبت سمجھوتے پر عمل درآمد کی سطح میں کمی آئی ہے ۔ ایٹمی انرجی کی عالمی ایجنسی کے سربراہ نے کہا کہ اس میں کوئی شک نہیں کہ کسی بھی ملک کو یورے نیئم کی افزودگی بڑھانے یا اس میں کمی لانے کا حق ہے۔ ایٹمی سمجھوتے سے امریکہ کے یکطرفہ طور پر باہر نکلنے اور یورپی ٹرائیکا یعنی برطانیہ فرانس اور جرمنی کی جانب سے ایٹمی سمجھوتے کی موجودہ شقوں پر عمل نہ کرنے کی صورت میں تہران کو پانچ مرحلوں میں معاہدے پر عمل درآمد میں کمی لانے کا حق حاصل ہے  تاہم اسلامی جمہوریہ ایران کے حکام نے اعلان کیا ہے کہ دیگر فریقوں کی جانب سے ایٹمی سمجھوتے پر مکمل عمل درآمد کی صورت میں ایران بھی مکمل عمل درآمد شروع کردے گا۔