صدر ٹرمپ کے مواخذے کے لیے جرائت مندی سے کام لینے کی ضرورت ہے

امریکہ کے سابق نائب صدر جو بائیڈن نے سینیٹ کے ارکان نے صدر ٹرمپ کے مواخذے کے لیے جرائت مندی سے کام لینے کی اپیل کی ہے۔
جو بائیڈن نے جو دو ہزار بیس میں صدر ٹرمپ کے مقابلے کی تیاری کر رہے ہیں، اپنے ایک انٹرویو میں کہا ہے کہ انہیں امید ہے کہ ری پبلکن سینٹرز ڈونلڈ ٹرمپ کے مواخذے کے حوالے سے لازمی شجاعت سے کام لیں گے۔انہوں نے کہا کہ امید ہے کہ ڈیموکریٹ کی قیادت والا ایوان نمائندگان بھی صدر ٹرمپ کے مواخذے کے حق میں ووٹ دے گا۔
امریکہ کے نائب صدر بننے سے پہلے سینیٹ کی رکنیت کا چھتیس سالہ تجربہ رکھنے والے جو بائیڈن کے مطابق سینیٹرز کی جانب سے صدر ٹرمپ کے مواخذے کی حمایت کی پوری امید کی جاسکتی ہے۔ان کا یہ بیان ایسے وقت میں سامنے آیا ہے جب سینیٹ کے ری پبلکن ارکان نے ان کے بیٹے ہنٹربائیڈن کو تنقید کا نشانہ بناتے ہوئے، اپنے باپ کے منصب سے ناجائز فائدہ اٹھانے کا الزام لگایا ہے۔
یوکرین گیٹ اسکینڈل سامنے آنے کے بعد امریکہ کے ڈیموکریٹ سینیٹروں نے صدر ٹرمپ پر دباؤ میں اضافہ کردیا ہے۔
ٹرمپ نے پچیس جولائی کو یوکرین کے صدر ولادی میر زیلنسکی سے ٹیلی فون پر گفتگو کرتے ہوئے، ان سے مطالبہ کیا تھا کہ وہ آئندہ صدارتی انتخابات میں ان کے ممکنہ رقیب جو بائیڈن اور ان کے بیٹے ہنٹر بائیڈن کی مالی بدعنوانیوں سے متعلق تحقیقات انجام دیں۔