امریکہ نے پابندیوں کو ایک ہتھیار کے طور پر استعمال کرنا شروع کردیا ہے
امریکی وزیر خارجہ مائیک پومپیو نے اپنے ٹویٹ میں چین کے سرکاری افسران اور کمیونسٹ پارٹی کے رہنماؤں کے ویزوں پر پابندی عائد کرنے کا اعلان کیا ہے
شیئرینگ :
امریکہ نے پابندیوں کو ایک ہتھیار کے طور پر استعمال کرنا شروع کردیا ہے۔
سماجی رابطے کی ویب سائٹ ٹویٹر پر امریکی وزیر خارجہ مائیک پومپیو نے اپنے ٹویٹ میں چین کے سرکاری افسران اور کمیونسٹ پارٹی کے رہنماؤں کے ویزوں پر پابندی عائد کرنے کا اعلان کیا ہے تاہم انہوں نے ان افسران اور پارٹی رہنماؤں کے نام اور تعداد سے آگاہ نہیں کیا۔
دوسری جانب چین نے امریکی پابندیوں کو بین الاقوامی تعلقات کے بنیادی اصولوں کی خلاف ورزی قرار دیتے ہوئے کہا کہ امریکا خود بھی سنگین انسانی حقوق کی خلاف ورزیوں میں ملوث ہے جہاں تارکین وطن کے خلاف انسانیت سوز سلوک روا رکھا جا رہا ہے، بے جا پابندیوں سے تارکین وطن کی زندگی اجیرن ہوگئی ہے۔
واضح رہے کہ گزشتہ روز ہی امریکی محکمہ تجارت کی جانب سے چین کی 28 کمپنیوں کو بھی بلیک لسٹ کر دیا گیا تھا جس پر چین نے سخت جوابی کارروائی کرنے کا اعلان کیا ہے۔