امریکہ اپنی ناکامی کو چھپانے کے لئے ایران پر بے بنیاد عائد کررہا ہے

امریکہ اپنے مکر و فریب اور ناکامی کو چھپانے کے لئے ایران پر بے بنیاد اور گمراہ کن الزامات عائد کررہا ہے۔
اسلامی جمہوریہ ایران کی وزارت خارجہ کے ترجمان سید عباس موسوی نے کہا ہےکہ سعودی آئل تنصیبات عبقیق اور الخریص پر یمنی ڈرونز کے حملوں سے ظاہر ہوگیا ہے کہ امریکہ نے سعودی عرب کو جو دفاعی میزائل سسٹم فروخت کیا ہے وہ ناکارہ ہے اور امریکہ اپنے مکر و فریب اور ناکامی کو چھپانے کے لئے ایران پر بے بنیاد اور گمراہ کن  الزامات عائد کررہا ہے۔
سید عباس موسوی نے امریکہ کے غلط اور جھوٹے بیانات کی طرف اشارہ کرتے ہوئے کہا کہ ایران کے خلاف امریکہ کی جھوٹ پر مبنی پالیسی اور سیاست کا سلسلہ جاری ہے۔
ایرانی وزارت خارجہ کے ترجمان نے یمن کے نہتے عربوں پر سعودی عرب کے جنگی جرائم کی حمایت کرنے پر امریکہ کی مذمت اور سرزنش کرتے ہوئے کہا کہ امریکہ خطے میں اپنی ناکامیوں کو چھپانے کے لئے ایران کے خلاف بے بنیاد الزامات عائد کررہا ہے۔
سید عباس موسوی نے کہا کہ امریکہ گذشتہ 5 سال سے یمن پر سعودی عرب کی مسلط کردہ جنگ کی آشکارا حمایت کررہا ہے۔ سعودی عرب یمن کے نہتے عوام کے خلاف امریکی ہتھیاروں کا خوب استعمال کررہا ہے۔