امریکی اقدامات دنیا کو جنگ میں دھکیلنے کی کوشش ہے

روس کے وزير خارجہ نے عالمی سطح پر امریکی اقدامات کو بین الاقوامی قوانین کی صریح خلاف ورزی قراردیتے ہوئے کہا ہے کہ امریکہ نے عالمی امن کو خطرے میں ڈال دیا ہے۔
مہر خبررساں ایجنسی نے اسپوٹنک کے حوالے سے نقل کیا ہے کہ روس کے وزير خارجہ سرگئی لاوروف نے ماسکو میں عالمی سکیورٹی کانفرنس سے خطاب میں عالمی سطح پر امریکی اقدامات کو بین الاقوامی قوانین کی صریح خلاف ورزی قراردیتے ہوئے کہا ہے کہ امریکہ نے عالمی امن کو خطرے میں ڈال دیا ہے۔ لاوروف نے کہا کہ امریکہ اپنے مفادات کے تحفظ کے لئے دوسرے ممالک کو نقصان پہنچانے کی کوشش کررہا ہے۔ لاوروف نے ماسکو میں سکیورٹی کانفرنس سے خطاب کرتے ہوئے کہا کہ امریکہ یکطرفہ اقتصادی پابندیوں سے اپنے مفادات کو تحفظ اور دوسروں کو نقصان پہنچارہا ہے۔