امریکہ نے ایران سے تجارت کرنے پر یورپی ممالک کو سنگین نتائج کی دھمکی دے دی

یورپی یونین میں تعینات امریکی سفیر نے ایران کے ساتھ تجارتی لین دین کے لیے قائم خصوصی یورپی میکینزم انسٹیکس استعمال کرنے والی کمپنیوں کو سنگین نتائج کی دھمکی ہے۔

امریکی سفیر گورڈن سانڈلینڈ نے کہا ہے کہ ایران کے لیے قائم یورپی میکنیزم انسٹیکس استعمال کرنے والی یورپی کمپنیوں کو سخت امریکی پابندیوں کا سامنا کرنا پڑے گا۔امریکی سفیر نے کہا کہ انسٹیکس استعمال کرنے والی کمپنیوں کو امریکہ کے ساتھ تجارت سے محرومی کے علاوہ دوسرے سنگیں نتائج بھی بھگتنا ہوں گے۔یورپ نے گزشتہ ہفتے جمعرات کے روز ایران کے لیے قائم خصوصی مالیاتی نظام انسٹیکس کے باضابطہ افتتاح کا اعلان کیا تھا۔حکومت امریکہ شروع ہی سے جامع ایٹمی معاہدے پر عملدرآمد کی راہ میں رکاوٹیں کھڑی کرتی رہی ہے   جس کا مقصد ایران کو ایٹمی معاہدے کے تحت حاصل ہونے والے بیشتر فوائد سے محروم کرنا ہے۔امریکہ میں ٹرمپ کے اقتدار میں آنے کے بعد سے ایٹمی معاہدے پر عملدرآمد کی راہ میں رکاوٹیں کھڑی کرنے کا سلسلہ تیز ہوگیا اور آخر کار ٹرمپ نے آٹھ مئی دوہزار اٹھارہ کو ایٹمی معاہدے سے یک طرفہ طور پر علیحدگی کا اعلان کردیا۔