سالانہ ایوارڈ میں امسال بھی بہترین ایئرپورٹ کا اعزاز سنگاپور کے چانگی ایئرپورٹ کے حصے میں آیا
بہترین ایئرپورٹس کی فہرست میں دوسرے نمبر پر جنوبی کوریا کا اینچیون ایئرپورٹ ہے جب کہ ٹوکیو کا ہنیدا ہوائی اڈہ تیسرے نمبر پر ہے۔
شیئرینگ :
دنیا کی سب سے اونچی ایئرپورٹ سلائیڈ، 24 گھنٹے مفت سینما، چھت پر سوئمنگ پول اور خوبصورت بٹر فلائی پارک کی بدولت سنگاپور کے چانگی ایئرپورٹ کو مسلسل چھٹی بار دنیا کے بہترین ہوائی اڈے کا اعزاز مل گیا۔
اسکائی ٹریکس ورلڈ ایئر پورٹ ایوارڈ دنیا بھر کے قریباً 14 ملین فضائی مسافروں سے سروے کی بنیاد پر دیا جاتا ہے۔ سالانہ ایوارڈ میں امسال بھی بہترین ایئرپورٹ کا اعزاز سنگاپور کے چانگی ایئرپورٹ کے حصے میں آیا ہے۔
بہترین ایئرپورٹس کی فہرست میں دوسرے نمبر پر جنوبی کوریا کا اینچیون ایئرپورٹ ہے جب کہ ٹوکیو کا ہنیدا ہوائی اڈہ تیسرے نمبر پر ہے۔
دنیا کے بہترین ایئرپورٹ ٹرمینل کا اعزاز برطانیہ کے ہیتھرو ہوائی اڈے کے ٹرمینل ٹی ٹو کے حصے میں آیا ہے جب کہ میونخ ایئرپورٹ کا ٹرمینل ٹی ٹو دوسرے اور سنگاپور چانگی ہوائی اڈے کا ٹرمینل تھری تیسرے نمبر پر ہے۔
سروے میں ٹوکیو کے ہیندا ہوائی اڈے کو دنیا کا سب سے صاف ستھرا ایئرپورٹ قرار دیا گیا ہے جب کہ بہترین ایئرپورٹ شاپس کا اعزاز ہیتھرو ایئرپورٹ لندن کو دیا گیا۔