ایران کی بہادر قوم اپنی شناخت سے ہرگز غافل نہیں رہے گی

عالمی مجلس تقریب مذاہب اسلامی کے سیکرٹری جنرل نے کہا ہے کہ آج ٹرمپ اور اس کے اتحادیوں کے لئے ہمارا یہی جواب ہے کہ ایران کی بہادر قوم امام حسین (ع) کی تعلیمات اور ان کے مقاصد پر مبنی اپنی شناخت سے ہرگز غافل نہیں رہے گی.

ان خیالات کا اظہار بین الاقوامی تنظیم برائے مذہبی ہم آہنگی کے سیکریٹری جنرل آیت اللہ محسن اراکی نے ایران کے مذہبی شہر قم میں اسلامی مزاحمتی فرنٹ کے شہدا کے اہل خانہ کے اعزاز میں منعقدہ ایک سمینار میں خطاب کرتے ہوئے کیا.

اس موقع پر انہوں نے کہا کہ ہماری بہادر قوم اپنے ناقابل شکست مذہبی عقائد پر انحصار کرکے کبھی بھی سامراجی طاقتوں کے سامنے اپنا سر نہیں جھکائے گی.

آیت اللہ اراکی نے کہا کہ ہم ہمیشہ عالمی سامراج کے خلاف جد و جہد کرنے پر آمادہ ہیں جو دین اسلام اور مذہب تشیع کی بقاء کی علامت ہے اور دشمنوں کا مقصد ان عقائد پر خدشہ ڈالنا ہے.

انہوں نے مزید کہا کہ ایرانی مسلمان عوام مغربی طاقتوں کی شکست پر یقین رکھتے ہیں اور ہم اپنی تمام طاقت کے ساتھ امریکہ اور ناجائز صہیونی ریاست سے مقابلہ کریں گے.

آیت اللہ محسن اراکی نے امریکہ اور جابر صہیونی ریاست کے ایران مخالف حالیہ مواقف کا حوالہ دیتے ہوئے کہا کہ ہم  رہبر معظم کی ہدایات پر عمل کرتے رہیں گے اور اسلامی انقلاب کے اصولوں کو نظر انداز نہیں کریں گے.