ایسی عظیم شخصیت کے ضیاع سے عالم اسلام پر ایک کاری ضرب لگے گی
عالمی مجلس تقریب مذاہب اسلامی کی شورائے عالی کے رکن اور معروف اسکالر نے کہا ہے کہ دنیا میں بسنے والے تمام افراد کو چاہئے کہ وہ آیت اللہ شیخ عیسیٰ قاسم پر آل خلیفہ کی جانب سے روا رکھے جانے والے ظلم و ستم کے خلاف آواز اٹھائیں
شیئرینگ :
عالمی مجلس تقریب مذاہب اسلامی کی شورائے عالی کے رکن اور معروف اسکالر نے کہا ہے کہ دنیا میں بسنے والے تمام افراد کو چاہئے کہ وہ آیت اللہ شیخ عیسیٰ قاسم پر آل خلیفہ کی جانب سے روا رکھے جانے والے ظلم و ستم کے خلاف آواز اٹھائیں۔
تقریب خبر رساں ایجنسی کے مطابق عالمی مجلس تقریب مذاہب اسلامی کی شورائے عالی کے رکن، اور عالم اسلام کے امور میں رہبر انقلاب اسلامی حضرت آیت اللہ العظمیٰ سید علی خامنہ ای کے مشیر معروف عالم دین آیت اللہ شیخ محمد علی تسخیری نے ہمارے نمائندے سے گفتگو کرتے ہوئے بحرین کے شیعوں کے رہبر آیت اللہ شیخ عیسیٰ قاسم کی خراب جسمانی حالت پر شدید تشویش کا اظہار کرتے ہوئے کہا کہ شیخ عیسیٰ قاسم عالم اسلام کی ایک عظیم شخصیت ہیں اور مجھے فخر ہے کہ ہم نے آیت اللہ العظمیٰ صدر کے دروس میں ایک ساتھ شرکت کی اور سب لوگ جانتے ہیں کہ شیخ عیسیٰ قاسم کی شخصیت کتنی برجستہ ہے۔
آیت اللہ تسخیری نے تاکید کرتے ہوئے کہا کہ پوری دنیا نے آل خلیفہ کی ظالم اور ڈکٹیٹر حکومت کے مقابلے میں آیت اللہ شیخ عیسیٰ قاسم کی پامردی اور استقامت کا مشاہدہ کیا ہے۔ لہذا دنیا بھر کے انسانوں کو چاہئے کہ وہ اس ڈکٹیٹر، ظلم و استبداد کی حمایت کرنے والی اور مغرب و امریکہ اور دیگر استکباری ممالک کی حمایت یافتہ حکومت کے خلاف احتجاج کریں۔
انہوں نے مزید کہا کہ وہ تمام افراد جن کے دل انسانیت کے لئے دھڑکتے ہیں انہیں چاہئے کہ آل خلیفہ کی ڈکٹیٹر حکومت پر دبائو ڈالنے کے لئے اعتراض کریں تاکہ وہ آیت اللہ عیسیٰ قاسم کے علاج معالجے کی اجازت دے کیونکہ ایسی عظیم شخصیت کے ضیاع سے عالم اسلام پر ایک کاری ضرب لگے گی۔
طلبہ نے آسٹریلوی وزیراعظم کی اسرائیل اور غزہ کے بارے میں پالیسی کے خلاف نعرے بازی کی اور آسٹریلوی حکومت سے غزہ میں تشدد کی شدید مذمت کرنے کا مطالبہ کیا۔