انصار المستضعفین بین الاقوامی ایوارڈ جو مستضعفین اور کمزوروں کی مدد کرنے والوں کو دیا جاتا ہے، شہید حجازی کے بیٹے کو دیا گیا ہے۔

ہمارے نمائندے کی رپورٹ کے مطابق سپاہ پاسسداران انقلاب اسلامی کے کمانڈر جنرل حسین سلامی نے جنرل سید محمد حجازی کی شہادت کے چالیسویں کے پروگرام میں انصارالمستضعفین بین الاقوامی ایوارڈ ان کے بیٹے سید علی حجازی کو دیا۔

انصار المستضعفین بین الاقوامی ایوارڈ مستضعفین، کمزور اور دبے کچلے لوگوں کی حمایت و مدد کرنے والوں کو دیا جاتا ہے ۔انصار المستضعفین بین الاقوامی ایوارڈ اب تک نائیجیریا کے مسلمانوں کے مسیحا آیت اللہ ابراہیم زکزاکی ، بحرین کے مذہبی و سیاسی رہنما آیت اللہ عیسی قاسم اور شہید جنرل قاسم سلیمانی کو دیا جا چکا ہے جبکہ اس سال یہ بین الاقوامی ایوارڈ، شہید حجازی کی بے لوث خدمات کے نتیجے میں ان کے خاندان کو پیش کیا گیا ہے۔

سپاہ پاسداران انقلاب اسلامی کی قدس بریگیڈ کے ڈپٹی کمانڈر جنرل سید محمد حجازی نے، جو مقدس دفاع کے دوران کیمیاوی حملے کا شکار ہو گئے تھے، کچھ دنوں قبل جام شہادت نوش کیا۔