دنیا کے دیگر ممالک کی طرح اب کورونا وائرس نے افریقہ میں بھی اپنے پنجے گاڑ دیئے ہیں۔
افریقہ سینٹر فار ڈیزیز کنٹرول اینڈ پریونشن (افریقہ سی ڈی سی) کی رپورٹ کے مطابق افریقہ میں کورونا وائرس کے کیسز بڑھتے جا ر ہے ہیں اور اس وائرس کی زد میں آنے سے اب تک 284 افراد ہلاک جبکہ تقریبا 7028 لوگ متاثرہوئے ہیں۔
اس رپورٹ کے مطابق کورونا وائرس اب تک تقریبا 50 افریقی ممالک میں پھیل چکا ہے۔
سی ڈی سی کے مطابق جنوبی افریقہ میں کورونا وائرس کے 1462 کیسز، الجیریا میں 847 اور مصر میں 779 کیس درج کئے گئے ہیں۔ تاہم اب تک 779 مریض ٹھیک ہو چکے ہیں۔
افریقی یونین نے اس وبا کے خطرے کو دیکھتے ہوئے 27 جنوری کو ہی اپنے ہنگامی آپریشنز سنٹر اور حادثاتی نظام کو شروع کر دیا تھا۔