امریکی صدر نے نیٹو کے بارے میں اپنے فرانسیسی ہم منصب کے بیان کو مبالغہ آرائی قرار دے دیا۔
لندن میں نیٹو کے سیکریٹری جنرل اسٹولٹن برگ سے بات چیت کرتے ہوئے ڈونلڈ ٹرمپ کا کہنا تھا کہ عمانوعیل میکرون نے جو کچھ کہا وہ مبالغہ آرائی یا اس سے بھی کہیں آگے کی چیز ہے۔
فرانسیسی صدر عما نوعیل میکرون نے اپنے حالیہ بیان میں کہا تھا کہ معاہدہ شمالی اقیانوس نیٹو دماغی موت کا شکار ہے۔
اس سے قبل خود امریکی صدر بھی نیٹو کو فرسودہ تنظیم قرار دے چکے ہیں۔
ٹرمپ نے ایک بار پھر سعودیوں کی توہین کرتے ہوئے کہا کہ ہم نے اپنے فوجی ریاض بھیج دیئے ہیں اور اس کے بدلے سعودی حکام ہمیں اربوں ڈالر ادا کر رہے ہیں۔