ایمنسٹی انٹرنیشنل نے افغانستان کے صوبہ ننگرہار میں افغان مزدوروں پر امریکا کے ہوائی حملے کی مذمت کی ہے
ایمنسٹی انٹرنیشنل نے ہفتے کو ایک بیان جاری کرکے افغانستان کے صوبہ ننگرہارمیں افغان مزدوروں پر امریکی فضائیہ کے حملے اور اسی طرح صوبہ زابل میں طالبان کے خود کش حملے کی مذمت کرتے ہوئے کہا کہ امریکا کا یہ ہوائی حملہ جس میں عام شہریوں کو نشانہ بنایا گیا ہے غیر قابل قبول ہے ۔
ایمنسٹی انٹرنیشنل نے امریکی حکام سے کہا ہے کہ وہ اپنے ہوائی حملوں میں عام شہریوں کو نشانہ نہ بنائیں - واضح رہے کہ دو روز قبل افغانستان کے صوبہ ننگرہار کے شہر خوگیانی میں امریکی طیاروں نے حملہ کرکے کھیتوں میں کام میں مشغول افغان مزدوروں پر حملہ کرکے کم سے کم تیس محنت کشوں کو جاں بحق اور چالیس دیگر کو زخمی کردیا تھا - امریکا اور اس کے اتحادیوں نے دوہزار ایک میں دہشت گردی کا صفایا کرنے کے بہانے افغانستان پر لشکر کشی کی تھی لیکن اس عرصے میں نہ صرف یہ کہ دہشت گردی ختم نہیں ہوئی بلکہ اس میں مسلسل اضافہ ہوا اور افغانستان میں منشیات کی کاشت بھی کئی گنا بڑھ گئی ہے - دوسری جانب اس عرصے میں افغان حکام اور عوام اپنے ملک سے غیر ملکی افواج کے انخلا کا مسلسل مطالبہ کر رہے ہیں -