مغربی کنارے میں نابلس کے جنوب میں واقع بستی "حوارہ" میں شہادت کے آپریشن کے بعد، جس کے نتیجے میں دو صہیونی ہلاک ہوئے، صیہونی آباد کاروں نے اس بستی میں فلسطینیوں کے گھروں پر حملہ کیا۔

اس شہادتی کارروائی کے بعد صیہونی حکومت نے نابلس اور اس کے دیہات کو گھیرے میں لے لیا اور اس آپریشن کے مرتکب افراد کی تلاش کے بہانے اس شہر اور اطراف کے دیہاتوں میں درجنوں فوجیوں کو تعینات کر دیا۔

المیادین نیٹ ورک نے بھی حوارہ بستی پر صہیونی آبادکاروں کے حملے کا اعلان کرتے ہوئے اس بستی کی صورتحال کو خطرناک قرار دیا۔

رپورٹ کے مطابق صیہونی آبادکاروں نے نابلس کے جنوب میں واقع اس بستی اور بورین گاؤں میں فلسطینیوں کے گھروں اور گاڑیوں پر حملہ کیا اور حوارہ میں تقریباً 30 مکانات کو آگ لگا دی۔

فلسطینی ذرائع نے مغربی کنارے کے گاؤں زعترا پر آباد کاروں کے حملے کے نتیجے میں ایک فلسطینی کی شہادت کی بھی اطلاع دی ہے۔