ابوظہبی میں امریکی سفارت خانے نے سعودی عرب اور متحدہ عرب امارات میں آج کی یمنی فوجی کارروائی کے بعد، متحدہ عرب امارات میں مقیم امریکیوں کو ایک اعلیٰ سطحی سیکورٹی وارننگ جاری کی ہے۔

رپورٹ کے مطابق سیکیورٹی الرٹ میں یہ ہدایات بھی شامل ہیں کہ میزائل حملوں سے کیسے نمٹا جائے۔

یمنی مسلح افواج کے ترجمان یحیی سریع نے سعودی عرب اور متحدہ عرب امارات کے اندر گہرائی میں آج (پیر) کے آپریشن کی تفصیلات کا اعلان کیا جس کا عنوان ہے  (یمن طوفان 2 آپریشن

 انہوں نے کہا کہ ابوظہبی میں الظفرہ ایئر بیس اور دیگر اہم اہداف کو بڑی تعداد میں ذوالفقار بیلسٹک میزائلوں سے نشانہ بنایا گیا۔

"دبئی میں ایک اور اہم ہدف کو صمد 3 ڈرون نے نشانہ بنایا،"

انہوں نے مزید کہا کہ سعودی عرب کے اندر "شروره" کے علاقے اور دیگر علاقوں میں متعدد فوجی اڈوں کو "صمد 1" اور "قصیف کے ٹو" ڈرونز نے نشانہ بنایا۔

یحییٰ سریح نے اپنی بات کو جاری رکھتے ہوئے کہا کہ سعودی عرب کے جنوب میں "جازان" اور "عسیر" کے اہم مراکز کو بڑی تعداد میں بیلسٹک میزائلوں سے نشانہ بنایا گیا اور انتہائی درستگی کے ساتھ انجام پانے والے اس آپریشن کے اہداف حاصل کر لیے گئے۔