صیہونی ذرائع نے بھی اس خـبر کی تصدیق کی ہے کہ فلسطینیوں کے ایک گروپ نے اسرائیلی فوج کی گولان بریگیڈ کے فوجیوں پر اپنی گاڑیاں چڑھا دی ہیں۔ زخمی ہونے والے صیہونی فوجیوں کو اسپتال منتقل کردیا گیا ہے جن میں سے کئی کی حالت نازک بتائی جاتی ہے۔ تاحال کسی شخص یا گروہ نے اس حملے کی ذمہ داری قبول نہیں کی ہے۔ صیہونی فوج اس کارروائی کے ذمہ داروں کو تلاش کرنے کی کوشش کر رہی ہے۔ صیہونی اخبار بدیعوت احارونوت کے مطابق اسرائیلی فوجیوں کو اس وقت حملے کا نشانہ بنایا گیا جب وہ ایک تقریب میں شرکت کر کے چھاونی میں واپس جا رہے تھے۔قابل ذکر ہے کہ صیہونی حکومت گولان بریگیڈ کو فلسطینیوں کے خلاف خصوصی کارروائیوں کے لیے استعمال کرتی ہے۔