معروف عالم دین علامہ سید شہنشاہ حسین نقوی نے سپاہ پاسداران اسلامی قدس بریگیڈ کے سردار قاسم سلیمانی کی امریکی جارحانہ حملے میں شہادت پر ایک ہنگامی پریس کانفرنس سے خطاب کرتے ہوئے پاکستانی حکومت پر کڑی تنقید کی ہے۔

پاکستان کے شہر کراچی میں سپاہ پاسداران اسلامی قدس بریگیڈ کے سردار قاسم سلیمانی کی امریکی جارحانہ حملے میں شہادت پر ایک ہنگامی پریس کانفرنس سے خطاب کرتے ہوئے علامہ شہنشاہ حسین نقوی کا کہنا تھا کہ پاکستان کے وزیر خارجہ نے جو بیان دیا وہ انکی بوکھلاہٹ کو ظاہر کرتا ہے۔ انہوں نے کہا کہ حکومتی سطح پر اس طرح کا بیان آنا اور پحر ان دو دنوں میں جو کچھ ہورہا ہے وہ سب کچھ ٹھیک نہیں ہے۔

علامہ شہنشاہ حسین نقوی نے پاکستانی حکومت کو خبردار کرتے ہوئے کہا ہے کہ اگر پاکستان کی سرزمین کو برادر پڑوسی ملک کے خلاف استعمال کرنے کی کوشش کی گئی تو ہم پاکستان بھر میں امریکی مفادات کو نقصان پہنچائیں گے اور پھر کوئی اہل سنت یا شیعہ اپنے گھر میں نہیں بیٹھے گا بلکہ امریکی مفادات کے خلاف قیام کرنا لازم اور ضروری ہوجائے گا۔