ایران کے وزیر خارجہ نے ترکی کے وزیر خارجہ کو ٹیلی فون کر کے علاقے خاص طور سے شمالی شام کے تازہ ترین حالات پر تبادلہ خیال کیا
ایران کے وزیر خارجہ محمد جواد ظریف نے علاقے کے ممالک کے حکام کے ساتھ صلاح و مشورے کا سلسلہ جاری رکھتے ہوئے جمعے کو ترکی کے وزیر خارجہ مولود چاووش اوغلو سے تبادلہ خیال کیا۔ درایں اثنا شامی ذرائع نے جمعہ کو شمالی شام کے صوبہ حسکہ کے راس العین شہر کے مضافاتی علاقوں میں ترک فوج کے توپخانوں اور فضائی حملوں کا سلسلہ جاری رکھنے کی خبر دی ہے۔ شمالی شام پر ترکی کی فوج کے حملے ایسے عالم میں جاری ہیں کہ امریکہ کے نائب صدر مائک پینس نے جمعرات کی شام ترکی اور امریکہ کے درمیان شمال مشرقی شام میں عارضی جنگ بندی کے بارے میں سمجھوتہ ہو جانے کی خبردی تھی ۔