نامعلوم دہشت گردوں نے عراق کے شہر بصرہ کے علاقے برجسیہ پر راکٹ فائر کیا ہے جہاں غیر ملکی تیل کمپنیوں کے دفاتر واقع ہیں۔
عراقی پولیس کے مطابق نامعلوم دہشت گردوں کے راکٹ حملوں میں دوعراقی مزدور زخمی ہوگئے۔ بصرہ کے علاقے برجسیہ پر کیے جانے والے راکٹ حملوں کی ذمہ داری ابھی تک کسی فرد یا گروہ نے قبول نہیں کی ہے۔عراقی پولیس نے بتایا ہے کہ یہ راکٹ ایکسن موبل کمپنی کے ملازمین کی رہائش گاہ اور ورکنگ فیلڈ سے محض سو میٹر کے فاصلے پر گرا ہے۔اسی دوران امریکی کمپنی ایکسن موبل نے کہا ہے کہ وہ اپنے بیس غیر ملکی کارکنوں کو بصرہ سے باہر نکال رہی ہے۔عراق کی وزارت پیٹرولیم کے ذرائع نے بتایا کہ ےکہ رائل ڈچ شیل اور اطالوی کمپنی اینے کے دفاتر بھی اسی علاقے میں واقع ہیں۔