ایران کی اعلی قومی سلامتی کونسل کے سیکریٹری علی شمخانی نے کہا ہے کہ امریکی پابندیاں اور دباؤ کے حربے ہمیشہ کی طرح ناکام رہیں گے۔

علی شمخانی کا کہنا تھا کہ امریکہ کی سرکردگی میں قائم عالمی سامراجی کا محاذ پابندیوں اور دباؤں میں اضافہ کر کے ایران کے اسلامی نظام کو نقصان پہنچانے کی ناکام کوشش کر رہا ہے۔
انہوں نے کہا کہ ایٹمی معاہدے سے امریکہ کی علیحدگی سے واضح ہو گیا ہے کہ واشنگٹن بغیر کسی بہانے کے بھی عالمی قوانین اور معاہدوں کو پامال کرنے سے گریز نہیں کرتا۔
اعلی قومی سلامتی کونسل کے سیکریٹری نے امریکی پابندیوں اور دباؤ کے مقابلے میں قومی سطح پر ہوشیاری، دانشمندی اور اتحاد کی ضرورت پر زور دیا۔