چین میں کینیڈا کے ایک اور شہری کو گرفتار کر لیا گیا اور اس طرح اس ملک میں گذشتہ چند دنوں کے دوران کینیڈا کے گرفتار کئے جانے والے شہریوں کی تعداد دو ہو گئی ہے۔

چین کے دفتر خارجہ کے ترجمان لو کانگ نے بیجنگ میں نامہ نگاروں سے گفتگو میں چین میں کینیڈا کے ایک اور شہری کو گرفتار کئے جانے کی خبر کی تصدیق کرتے ہوئے کہا کہ مائیکل اسپاوور نامی کینیڈا کے اس شہری کو تین روز قبل چین کی قومی سلامتی کو خطرے سے دوچار کرنے کے الزام میں گرفتار کیا گیا۔اس سے قبل چین کے سیکورٹی اہلکاروں نے کینیڈا کے سابق سفارتکار مائیکل کاؤریک کو، جو چین میں ایک بین الاقوامی کمپنی میں سرگرم عمل تھے، گرفتار کر لیا تھا۔انھوں نے کہا کہ گرفتار کئے جانے والے کینیڈا کے ان شہریوں کے خلاف قانونی کارروائی کی جائے گی جبکہ قانون کے دائرے میں ان کے حقوق کا پاس و لحاظ بھی رکھا جائے گا۔واضح رہے کہ کینیڈا میں چین کی ہواوے کمپنی کی مالی امور کی ڈائریکٹر مینگ وانزو کو گذشتہ ہفتے امریکہ کے کہنے پر کینیڈا میں گرفتار کر لیا گیا جس کے بعد سے چین اور کینیڈا کے تعلقات میں کشیدگی پیدا ہو گئی ہے۔ یہ ایسے میں ہے کہ  چین اور امریکہ کے تعلقات میں پہلے سے کشیدگی چلی آ رہی ہے۔