افغان حکام کا کہنا ہے کہ پارلیمانی انتخابات کے دوران کابل میں کئی پولنگ اسٹیشنز پر دھماکے ہوئے ہیں۔

مہر خبررساں ایجنسی نے اسپوٹنک کے حوالے سے نقل کیا ہے کہ افغان حکام کا کہنا ہے کہ پارلیمانی انتخابات کے دوران کابل میں کئی پولنگ اسٹیشنز پر دھماکے ہوئے ہیں۔  اطلاعات کے مطابق افغانستان کے دارالحکومت کابل میں پارلیمانی انتخابات کے لیے پولنگ کے دوران متعدد پولنگ اسٹیشنز پر دھماکے رپورٹ کیے گئے ہیں۔ ذرائع کے مطابق دھماکوں کے بعد ووٹ ڈالنے کے لیے قطاروں میں کھڑے عوام میں افراتفری مچ گئی اور انہوں نے ووٹ کاسٹ کرنے کے بجائے بھاگ کر جان بچانے کی کوشش کی۔ افغان حکام کے مطابق پہلا دھماکہ انٹیلی جنس آفیسر کی گاڑی کے نیچے لگے بم پھٹنے سے ہوا جب کہ دوسرا دھماکہ قره ‌باغ پولنگ اسٹیشن کے باہر ہوا تاہم دھماکوں میں کسی جانی نقصان کی اطاع موصول نہیں ہوئی۔